خالد تمساح (سفاري السم الهاري )

في سمستر 1 وفي اول ايام الجامعة كانت هنالك دورة كليات الجامعة في كرة القدم واكيد تم تقديم الدعوة للكلية من اجل المشاركة وتولى الكابتن معاوية الزليط (لاسانا) الفريق في زمانو والسعودي عماريو (العتود) وتم تشكيل الفريق كل من ابو الشعور في حراسة المرمي والذي اصر على انه لن يسمح لبعوضة بالدخول في شباكه فكيف بكرة وهنالك خالد تمساح الذي ارتدى شنكرات وكدارة جديدة لنج شداها من ناس من تنكو وشرابات حدها الركبة غايتو ميسى في زمانو وقال لمعاوية الزليط انا خايف الحكم ما يخليهو يمر من عندو بقطع الناس النفس والمشجعين كنا نحنا وكانت المبارة الاولى مع ناس تربية الكاملين وكلهم ماتيور يعني حمام ميت والنتيجة مضمونة وفي يوم المباراة وحسب اعلام لعبيتنا قلنا النتيجة اكيد لينا 5 /صفر وفي المبارة اتضح بان خالد تمساح علاقته بكرة القدم كعلاقتي حبوبتي بالمعادلات التفاضلية (ode) وكانت كل الكرات تمر من ناحيته وهو مرة بالركبة ومرة بالساق وارتكب ضربة جزاء قرب يروح فيها بتاع تربية شالو جوز الراجل من بعد داك ما اظنو لمس كرة . اما (شعرية)اقصد ابوالشعور فاستقبلت شباكه خمسة اهداف لاتدخل في حارس احوص والدنيا غبار وقريب المغربية لو ناس تربية شاتو كشك كان دخل قون قال باعوضة قال !!!!!!!! ومن بعد هذه المبارة تمت الاستعانة بالنجوم المخضرمين امثال حمام وسامي واسامة فداسي وحجار العتود مالك ماوكلي

فتحت عليك النار يا حبو ضامن قاعد بعيد عشان كده بتكلم براحاتك وتقول في المحرمات

والله يا حبان ظلمتنا ظلم ما كنت متخيل انه ده يطلع منك ولو بالهظار
تانيا المباراة طلعت 2 صفر وواحد فيهم ضربة جزاء والفريق الغلبنا دا وصل لحد نهائي دوري الكليات وخسر بلنتيات
ولعلمك الجماعة البتقول عليهم مخضرمين ديل كلهم كانو لاعبين وصلاح حمامة عمل لدفاع ناس تربية ازعاج لما هددوه بقطم رقبته اما معاوية فقد قام بهندسة الوسط بكل خبرة اما تمساح فدا الوحيد الما بقدر ادافع عنه لانه كان فعلا سفاري السم الهاري (مستوى اليومين ديل )

يا عمدة اليومين حبو رمضان قايم بيهو
https://17hasoob.ahlamontada.net/montada-f10/topic-t119.htm

انت ياحبان كبرت وخرفت حصل شوفت اسامة فداسي بلعب كرة يازول اصحى شنو النوم دا انت في عرعر ولابربر

سلام حبيبنا النورس حارس عرين الكلية وسبت دودو في زمانو
لكن انا شكلي خرفته يا شعيب طلع اسامة فداسي ما بيلعب كورة
وينك يا شعيب واخبارك مشتاقيييين كميات
الاخ ابو الشعور لك كل الود والتحية يا شاعر الكلية وحارس عرينها ولاعب الطائرة المخضرم
هي بالله الكورة طلعت اثنين بس يعني ما خمسة ؟

الاخ رزة نرجو عدم اثارة الفتن والقلاقل فالعلاقة بيني وبين ابو الشعور زي العسل
يعني انت اطلع منها وهي تعمر .

حبو كتب:

الاخ رزة نرجو عدم اثارة الفتن والقلاقل فالعلاقة بيني وبين ابو الشعور زي العسل
يعني انت اطلع منها وهي تعمر .

انا هسع قلت حاجة

التحية للشباب (رازي.. عمدة ... شعيب ...حبو)
وانقول لحبان انت ماعارف النتيجة وكمان معارف اللعبيين منو اما خالد تمساح انا وهو جينا لابسين من تكنو صاح ؟والشباب كانوا لاعبي كويس بس ضربة الجزاء العملها خالد وكن عاصرين الجماعة لكن الحظ ماحالفنا ياحبو ؟؟؟وبعدين انت خرفت ولاشنو ؟؟؟ولادي علامات الشيخوخة المبكرة؟ودي بنسأل عنها باكو26 ياحبان؟؟؟ وانت الدخلت واسامة فداسي؟؟وانا كنت لاعب ولامالاعب ؟؟ومصعب كان لاعب ولالا؟؟؟
اخوكم
ميـــ17ــمو

والله صحي انا ما نسيت انته برضو كنت لاعب
والله كانت مبارة فسفورية تشوف اللبس والكدارات تقول ده ريال مدريد
وبرضو ما ننسى المشجعين ناس احمد العريس ورزة

والله أنا ما حاضرها يا حبان