فوفو17 مش بنت!!

اولا مرحب أخي شعيب كيف حالك ورمضان كريييم
فوفو هل هو اسم بنت ؟ ولا تزعل حاغيره عشانك
بالمناسبه اسم فرح هنا في المملكه معقدني أوي لانو اسم بنت 100%
مره رحت المستشفى ومنتظر ادخل على الطببيب ماياقرب الساعه ونصف
ولم اتاخرت الممرضه رحت الاستقبال اسأل لم التاخير
أتخيل لقيت شنو......لقيت الممرضه تاخذي ملفي الطبي وتروح استقبال الحريم
وهي تصيح باعلى صوتها مدام فرح ....مدام فرح
وقفت امامها وقلت لها انا فرح فردت وقالت لا وين مدام ، قلت ياستي انا مدام فرح
فضحكت وقالت سوري سوري واعطتني اوراقي
ومواقف كثيره احرجتني بسبب اسمي أحكيها مرة تانية انشاء الله
ياشعيب ايه رايك اغير الاسم ام ادعه كما هو؟؟

فوفو ده أسم جميل أرجوك ما تغيرو علي ما أظن أن الاسم عندو ذكريات ولا مش كده

الرازي ياحريف الاسم عندو ذكريات .......ذكرياتك ام ذكرياتي ....أفصح أبن علل
فرح في السعودية بنت فوفو في السودان بنت ولا فول دكوه
رايك شنو نسميه إي.......... والباقي انت عارفو.....مش كده

سلامي للغالي فرح وشعيب والرازي وكل عام وانتم بخير

ازيك يافرح ياحبيبنا الله يجازي محنك انت في حركاتك ماخلينها
يااخ والله مشتاقين اخبارك شنو ناس البيت كلهم وخاصة الحاجة ومروان كيف يافرح
والله فوفو دا اسم الفشفاش عند قبيلة كدا في السودان تجري من دي تقع في دي رايك شنو ؟

التحية لكل الشباب الحلوين
(الرازي .....شعيب.....عماركرموش....قاسم قاقا(دونقا)..عبد الله بشير(جندي مظلي)....وعلي(علاءالدين ابا)
وبالمناسبة ياعلاء الدين اخونا فرح وصار اسمو فرج بوضع نقطة علي الحاء واصبحت حاء فرح جيما نسبة لان اسم فرح في السعودية اسم حرمة (ودي ظهرت عندما وديناه المستشفي واتاخر نده اسمه وهو مااتاخر لانه كان بينده في استقبال الحريم (فين مدام فراح ) ومن ديك وصار اسمة فرج
اخوك
ميــ17ــمو

Mimo كتب:

التحية لكل الشباب الحلوين
(الرازي .....شعيب.....عماركرموش....قاسم قاقا(دونقا)..عبد الله بشير(جندي مظلي)....وعلي(علاءالدين ابا)
وبالمناسبة ياعلاء الدين اخونا فرح وصار اسمو فرج بوضع نقطة علي الحاء واصبحت حاء فرح جيما نسبة لان اسم فرح في السعودية اسم حرمة (ودي ظهرت عندما وديناه المستشفي واتاخر نده اسمه وهو مااتاخر لانه كان بينده في استقبال الحريم (فين مدام فراح ) ومن ديك وصار اسمة فرج
اخوك
ميــ17ــمو

التحية لكل الاخوان ...
ههههههههههههههه ... ما تخلوها على فرح دي ما حلوة وليك علي اعمل اعلانات عندنا هنا اوضح للسعوديين انو اسم فرح ليس اسم حرمة فقط ....

فرح والله عملتها في نفسك برااااااك يعني كان ضروري تحكي ليهم القصة دي ؟؟؟ اها خم وصر وعلى نفسها جنت فراحش

فوفو كتب:

الرازي ياحريف الاسم عندو ذكريات .......ذكرياتك ام ذكرياتي ....أفصح أبن علل
فرح في السعودية بنت فوفو في السودان بنت ولا فول دكوه
رايك شنو نسميه إي.......... والباقي انت عارفو.....مش كده

فرحنا مالك بتتألم (قلت أي ولا شنو) ما لك طولت عننا كتير ما تقول النت بطي عشان كده. وبالمناسبة وين حامد قالوا معاك مالو ما سجل قول ليهو الناس ديل كبروا وعقلوا وخليهو يدينا أخباروا.

والله يانش اظهر في شنو فضل في الدنيا غير التواصل ومزاح الاحباب من ناس حاسوب اظهر دايرنا نعرف اخبارك عليك الامان واي زول كده ولاكده نحنا معاك

أيوه قول ليهو يا شعيب وعبد الله بشير كبر وبقى أبو بنيات

والله يا رازي انا وانت بعد كد الا نشوف لينا بلد الجماعة كلهم بقو ابوات ونحن قاعدين خاتين الخمسة في الاتتنين وجاريين ورا الجامعات - الله يغتس حجرها زي ما غتست حجرنا - انا غايتو لحد آخر السنة اتعدلت اتعدلت ما اتعدلت ح اغادر السودان دا واشوف لي بلد تاني

الأخوة فرح (المتحرمن) و أبوبكر الرازى, عماد عطبرة, باكو,علاء الدين, معاوية الأمين(الطير المهاجر), شعيب(الضرائب) وين الحي بيكم إنشاء الله تكونوا فى أتم السعادة. قصة فرح دى دايرالا علاج لأنو ما ممكن ذول كبير وود قبائل ذى فرح يندهوه فى إستقبال الحريم نحن لازم ندق ناقوس الحرب لأنو فى اللغة العربية الفصحى فرح تعنى مذكر وهى من فرح العرس إى إحتفال العرس و إذا أردنا تأنيسها فنقولفرحة يبقى المشكلة ما فى فرح المشكلة فى القوم المتواجد بينهم فرح
مع تحياتى (مرتضى)

ازيك يامرتضى خبرك شنو الله يحفظك
فرح دا اصلا دي من عمايل عشان كدا الجزاء من جنس العمل

شعيب، بابكر كيف أخباركم. يبقى الغلط فى إسم فرح بسيسي و ليس فرح حسن فرح